attwengernew album attwenger clubs neues album drum
ab 14. mai 2021

erso&sieso

er so und sie so
und er so warum bist du so und wieso i so
er so und sie so
oba normalerweis is er eigentlich nie so
nie

sie so und er so
sie sogd yes und er no
sie mog ned und er scho
und so geds dahi

er so und sie so
waun i di gern seng dad bist nie do
sie so und er so
des söwe kunt i song vize verso

sie is ned do sie is ned do
waun sie ned do is geds eam o
sie is ned do wo is sie hi
er waas ned wohi is jetzt sie

und waa sie do er warad froh
wei ohne sie iss ned aso
und waa sie do daun sogad sie
i glaub es föd wos ohne mi

er so und sie so
und er frogd si immer wieso mog i sie so
er dengt si nur wieso is sie denn nie so
nie so wia i mog

sie sogd des is so
jetz frog di ned wieso
es is sicher nie so
wie du des gern hezd
vaschtesd

er so und sie so
daun sogd er yes owa sie no
und daun mog er wieder ned owa sie scho
und so geds dahi

und er so: war i ned mit dir zaum war i ned so wia i wa
waun i mit dir ned zaumwa waas aso daun wama nimma zwa
wei daun wama nimma zaum und mehr mit aundare und so
und wama ausanaunda waas aso daun gangasd ma du o

drauf sogd sie eam jetz sei so guad und dua ned aso bled
wei bist du bled daun pockt des mei immunsystem ned
es warad wirkli gscheida und es gangad vü mehr weida
waunst dei dial afoch nur a wengal aufmochst owa leider

moch da ned ins hemd hosd di oft gnuag scho so verrennt
und mia woan olle durchanaund und haum si nimmamehr auskennt
wos is denn nur mit dir und du brüst so wia a schtia
i hea immer nur von dir und wos is mit mir

und er so und sie so
irgendwie haut des für mi ned hi so
sieso & erso
oba sunst meng wir uns beide sehr so

sie so und er so
hi und do nervt sie afoch schwer so
er so und sie so
oba normalerweis bin i eigentlich nie so
nie

er so zu ihr so
und wie gedsn dir so
und sie so es wird scho
es kunt ois nu vü bleda sei

es ged so hi es ged so her
beide hean des wos sie hean
und wos er head und wos sie head
des is sehr ähnlich nur vakead

wei sie hod des wos er grod sogd
glei in ihr system vaboggd
eam geds ned aundas ois wie ihr
moi schaun wos aus die zwa nu wird

baby baby baby
bitte schick mir eine nachricht
denn wenn du nicht bei mir bist
dann vergeht die zeit nicht

baby baby baby
bitte zeig mir deine wohnung
denn ich möchte gerne wissen
wie sie innen aussieht