attwengernew album attwenger clubs Bio- & Disko- & Filmographie dog
2005 LP/CD
Die CD kann um € 18 incl. porto (inland) oder € 18,40 (eu-weit) per E-Mail bei attwenger@attwenger.at bestellt werden.
hörproben
pressezitate
der dialekt der aufklärung.
spex
kritik am pomeranzentum.
profil
österreichs innovativstes pop-duo.
wiener
die oppositionellen des slang.
kleine zeitung
virtuosen der musiksprachmontage.
megaphon
gemeinplätze. mit der betonung auf gemein.
standard
dialekt-ische musik im besten, ja in jedem sinn.
westzeit
verbale, durch die mundart noch verschärfte hiebe.
news
irritierend positiv. utopisch letztlich.
süddeutsche zeitung
so prägnant wie es nur grosse dichter schaffen.
salzburger nachrichten
ein bastard aus polka, elektro und vereinzelt cajun und blues.
rolling stone
attwenger gelten als wichtigste träger von gegenöffentlichkeit im heimischen popzirkus.
fm5.at
eine dreiviertelstunde blitzgescheite musik, die auch den arsch gehörig zum wackeln bringt.
augustin
attwenger, das ist bedächtigkeit und entrüstung, regionalität und grenzenlosigkeit, stoische souveränität und leidenschaft.
die presse
ungeschliffene elektro-beats, räudige sounds, radikal ratternde ziehharmonika, brutales schlagzeug und großartige texte.
now
dog
und a dog is a dog und da dog is a hund waun da hund ned so mog iss ned guad für den dog und waun da hund owa mog daun iss guad für den dog waun a mog aun dem dog und er mog owa ned jedn dog i schwimm so gern im swimming pool – owa ned jedn dog schau da de au de san cool es scheint oiwei de söwe sun in china und in kamerun mia fliang vo bangkok noch berlin -bangkok i waas oft goa ned wo i bin -bangkok wos do passiad des is so fad -bangkok wa guad waun si wos ändan dad -jedn dog -------- und a dog is a dog und da dog is a hund -------- a poa haum vü und vü haum weng i sog da aun wos i ois deng i wundad mi oft wos i siach de leid san zu de leid so schiach de kinan goa ned doa wos woin weis oiwei nua des dan wos soin wieso is wer autoritär da wind kumt vo wo aundas her -da wind -------- und a dog is a dog und da dog is a hund -------- jeda redt vo seina gschicht und jeda hoit wos er vaschpricht und wieder haums a foto gmocht und mia haum wieder so vü glocht i mecht gern auf an aundan schtern und schaun wos duat für musi hean -musi hean
dum
und üba und üba und üba und üba gengan dscheisheisln üba und wauns do so zuaged bleibt a goa nix aundas üba und üba und üba gengan dscheisheisln üba und irgendwo gengan do scho wieder a poa drüba und üba und üba gengan dscheisheisln üba und des ned nur doda sondern a daraus hinüba östareicha san gmiadlich wauma schaut owa voi aggressiv bis knopp unta die haut östareicha san unguad weis aungst haum und wauns ka aungst haum daun geds eana ned guad östareicha san sudarantn red amoi mit deine onkl und dantn östareicha san bihda waunst glaubst du kaust deppad wean hau ma di nihda östareicha san brunzer waun dhosn voi is betns a vater unser östareicha san schovis im söba si super findn do san sie profis östareicha san profiteure obzocker bombastische charmeure östareicha san schnö beleidigt waun ana wos sogd wo as ned vateidigt kaust song wosd wüst owa de leid san leida ned gauns dum und wauns da a eirehn dass a so bled san owa de leid san leider ned gauns dum ob de so dan oder ob de so san de leid san leider ned gauns dum waun die die so bled dan owa oiwei so bled dan daun kuntat ma grod moana dass de wiakli so bled san und üwa und üwa gengan dscheisheisln üwa… pass auf wos si song waunsn aufmochn in mund oder waast du wos kumt oder wos nu kuma kunnt und du waast jo ned wos kumt oder wos nu kuma kunnt pass auf wos sie song waunsn aufmochn in mund aus östareich kuman bestien de haum 180.000 jüdische östareicha umbrocht und vatrihm und roma und sinti und schwule und linke östareicha san vadränga und bleibm wauns weidaged oiwei wo henga la la la la la la la la östareicha san ehrlich und wauns ehrlich so san daun sans owa gfährlich und waun de so san daun daun foama nimma ham daun waast wos i maan daun waun de wirkli so san daun wos maanstn wos ma daan daun 2x wos damma daun foama nimma ham weil i nix vasam ob de nur so dan oder ob de a so san oder ob de so san oder ob de nur so dan
wüst
wüst a auntwort – griagst do frong wüst as leicht haum – muast di blong wüst a bradl – griagst an kas und für dei göd do griagst an schas wüst a keuwi – griagst a kua wüst an mau – griagst an bua wüst a pferd – griagst an hund wüst wos song – hoizd in mund wüst du segln – ged koa wind wüst nur schmusn – griagst a kind wüst as gmiadlich – griagst an schtress wüst du plottn – griagst zehdes wüst zehdes – griagst du plottn wüst a sun haum – sitzt im schottn wüst a hendl – griagst a antn wüst du meis – griagst elefantn wüst an aunzug – griagst an hodan gest du waundan – griagst a blodan wüst an schnops – griagst a bia wüst a hüftn – griagst a knia wüst a leber – griagst a hian wüst du zfuas geh – dans di fian wüst midn auto foan – muast hadschn wüst di aufreng – griagst a watschn wüst dass schloffm – daun sans munter wüst midn schiff foan – ged des unter wüst wo hifliang – dan sies kenzln wüst dass hupfm – dans nur denzln wüst wos lesn – hosd ka buach wüst an botschn – griagst an schuach wüst an schlapfm – griagst an stüfi wüst an knofi – griagst an zwüfi wüst orauschn – griagst zitronen wüst bananen – griagst melonen wüst du erbsn – griagst fisoin wüst in dtschechei – kumst noch boin wüst dass schnippn – daun dans schnoizn wüst a suppm – is vasoizn wüst fritattn – griagst du nudln wüst vü dringa – muast vü ludln wüst an fisch – griagst nur gradn wüst an schlaunkn – griagst an bladn wüst as lauda – drahn sies leisa wüst aufs laund foan – san nur heisa wüst kaukau – kriagst an kaffee wüst wos eafoan – dazöhns an schmeh wüst a gligg – host a pech owa sunst geds da ned schlecht
graas
und waun de oiwei nur vo dem ausgengan wos kennan daun kinans oiwei nur im graas herumrehna
sex
und ois aun wos du denga kaust vakaufns irgendwo und des aun wos du ned dengst des vakaufns sowieso es ged nur mehr um des zoisdas mit göd oda mid schecks oda woin di des in irgendwöche formen vo sex di hauptsoch is dass wer zoid wauns sei muas mid gewoit a jeda einzeln olle zaum gibz wos neichs muastas haum und söwa übalegst da grod nu ob do ned wos föd und dauand stöhns da sochn her di hod goa neamd bestöd de leid de san jetzt kundn und da kunde der is könig und da könig der is bled wei er ned waas um wos es ged er waas ned um wos ged und um wos ned ged waas a ned und a jeda mensch zöhd jeda mensch zöhd sei göd de leid de san jetzt kundn und da kunde der is könig und da könig der is bled wei er ned waas um wos es ged di an di haum di kohle und di aundan di haums ned und a jeda mensch zöhd jeda mensch zöhd sei göd es san di leid a so wias san wegn de bedingungen und ned so wiastas dauand heast weng irgendwöche schtimmungen und schwingungen und dubiose sorten von beschtimmungen und rehnan umanaund ois wia di einheitn aus plasma für bled vakauft scho gnuag und wos si vorhaum nu wos waasma wauns nur mehr um des ged wos kaust wem audrahn und wos ned owa du horchst ma sowiso ned zua waun i mid dir red und zöhd nur mehr sei göd und wird reaktionär di soin amoi gscheid auzahn olle waun i des scho hea di wöd in der mir lebm di is ma zu konservativ und immer wieder driff i leid wo i mi gfrei dass i di driff
eam
es is so haas es is so haas es is unhamlich haas so haas woas wiakli laung scho ned soweid i des jetzt waas und mir kumt vor es is so haas so haas woa ma nu nia und waun i ma des eibüd nua sogs eam owa ned mia da hund ged auf da schtrossn auf da schtrossn ged da hund solaung dem hund nix wehduad solaung is a nu gsund wia laung da hund nu gsund is des hengt jetz ob von dir und waun du waast wosd vorhosd sogs eam owa ned mia mia beweng si durch di gegnd und mia schaun ois wia di noan a kiwara der hoit uns auf mia san ned richtich gfoan da kiwara wird unguad und er füad si auf ois wia und waunst wüst dass a si vatschüsst sogs eam owa ned mia es kuman so vü leid daher daher kuman vü leid de an di mog i liaba und di aundan liaba ned und ana der kumt zuwa und er schted scho do bei dia und waun a da aum wecker ged sogs eam owa ned mia und wos si der ois ausdengt do und wos der ned ois sogd und wos der olles draufhod und wos si der ois frogd es föd ned vü und du haust di vor eam nu auf di knia und waun da der so daugd daun sog des eam oba ned mia er red so vü er red so vü a waun eam kana frogd er quasselt und er plappad a waun a ned vü sogd und waun der des ois aufschreim dad der brauchad vü papia und waun a da auf dnervn ged sogs eam owa ned mia es is a so dass so is dassd ned waast wia issn jetzt und üwa des hinaus is a nu ois mid oim vanetzt zum glik is ma des wurscht waun i den überblik valia und wauns da söwa a so ged sogs eam owa ned mia es kau scho sei dass ned so is ned so is wia i sog und aussadem sog i jo ned des söwe jedn dog es kau scho sei wos i do sog dass i di do vawia und waun da gloa is wos i maan sogs eam owa ned mia
mir
es is so koid es is so koid es is unhamlich koid so koid woas wiakli laung scho ned soweits ma jietz eifoid es is so koid es is so koid i glaub scho i dafria und waun i ma des eibüd nur sogs eam owa ned mia di wöd ged unter di wos is di wöd schted nimma laung da president mocht olles foisch da president is graung da president der schaud scho drei ois wia a wüda schdia und waunst für eam a fuada host gibs eam owa ned mia und es san millionen kumt ma vor di geng uns san und es san millionen owa di dageng wos dan und daun schted wider ana do den frogsd wos is mit dir und er schaut di nur au und maand sogs eam owa ned mia es is a schas es woa a schas es is in zukunft schas des mid dem schas ged weida nu soweit i des jietz waas und waun da schas di auged scho do kau i nix dafia i kau nur song geh sei so guad sogs eam owa ned mia wos renndn do wos renndn do wer waas wos do ois rennd wer waas ob des wos do ois rennd ob des irgendwer kennd und dauernd frong di irgendwöche leid wos renndn dir und waunst a auntwort host auf des sogs eam owa ned mia und 1 und 2 und 3 und 4 und 5 und 6 und 7 und 8 und 9 und 10 und 11 und nix is üwablihm und 10 und 9 und 8 und 7 und 6 und 5 und 4 und waun du waast wias weidaged sogs eam owa ned mia es is so guad im bett i glaub i bleib nu a weng lihng es is für olle gscheida waun i jetzt nu ned wo bin i waas du mechst scho kuma mechst scho klopfm bei da dia und wauns scho zeid zum aufsteh is sogs eam owa ned mia und waun i waas i muas waun i ned wü kum i in rahsch des mid dem gaunzn miassn is a anzige blamasch i brauch ned nägl untam oasch i bin jo ka fakir und wauns unbedingt sei muas daun sogs eam owa ned mia di haum a hektik bist du fertig fetzn umanaund und schtopfm si di zeit so voi bis auffi üban raund und des mid ana gschwindigkeit di is scho völlig irr und waunst an brauchst der midfoan duad sogs eam owa ned mia so weit samma jetzt kumma drum samma jetzt so weit di san olle so wichtig und di dan so fuachtboa gscheid und mia haun jetzt in huad drauf und mia dringan nu a bier und mogsd du söwa a nu ans sogs eam owa ned mia
schaun
de leid de schaun so komisch aus de mauna und de fraun und i glaub de drahn glei olle durch so schnö kaust goa ned schaun und irgendwos wiads zreissn glei die froge is nua waun auf amoi hods an schnoiza gmocht so schnö kaust goa ned schaun i waas es goa ned wos de haum mid den scheis heislbaun und do schted sicha a boid ans so schnö kaust goa ned schaun da bua vo unsan nochban drent der sitzt hinta da schtaudn und er scheisst si glei in dhosn so schnö kaust goa ned schaun und irgendwo ged irgendwer sei hautfoab di is braun und scho kaust an rassistn hean so schnö kaust goa ned schaun waun so vü leid so deppad san do kumt da echt des grauhn und scho wieda redt do wer an schas so schnö kaust goa ned schaun und waunst wida ois richtig gmocht host mogsdas goa ned glaubm wia schnö des ged dassd doschtesd bled so schnö kaust goa ned schaun es gibt so vü zum seng dassd scho gauns hi wiast auf die aung und a flugzeig fliagd bei dir vorbei so schnö kaust goa ned schaun und wos ma de im fernsehn zang des ged mi oft so au und i drah de blede kistn o so schnö kaust goa ned schaun und waunst da zu vü einiziagst des kaust nimma vadaun und do wird da nur mehr schlecht davo so schnö kaust goa ned schaun du siagst an fühm im kino und dir kumt vor der dauad laung und auf amoi is da fühm scho aus so schnö kaust goa ned schaun daun ged wida nix weida und es duad si wieder schtaun nur di gedaunkn san so schnö so schnö kaust goa ned schaun de kuman und de kuman ned wo bleibm denn de so laung wos hosd denn san jo eh scho do so schnö kaust goa ned schaun du gest dahi und schaust aum hümmi auffi auf den blaun auf amoi faungz zum renga au so schnö kaust goa ned schaun du duasd dahi und duasd dahi und daun duasd di vahaun und ois wos dau hosd is dahi so schnö kaust goa ned schaun de hund dan bön de hau dan grahn de kotzn dan miaun und i schrei a boid wia a viech so schnö kaust goa ned schaun und üwaroi san leid dabei de woin da ois vasaun und dise leid vagis i glei so schnö kaust goa ned schaun und waun as ned prowiad daun waas a goa ned ob as kau prowias daun siagdas eh obs ged so schnö kaust goa ned schaun und waun des ois so weidaged jo und wia wiadsn daun wias weidaged des wirst nu seng so schnö kaust goa ned schaun rest und waun de ned so deppad waan und oawatadn zaum de dadn si vü leichta glei so schnö kaust goa ned schaun dass die die so an mist daherrehn si des wieder traun des kau ois nu vü eaga wern so schnö kaust goa ned schaun und auffigreud und ummighupfd und ummi üban zaun mia san dahi uns siagsd nimma so schnö kaust goa ned schaun sie schdreidn und sie schrein sie au und dadn sie fost haun auf amoi sans sie wieder guad so schnö kaust goa ned schaun sie mochn so vü sochn de kunst olle daunihaun nur des problem is de vakafn des so schnö kaust goa ned schaun und waun des jiatzt nu weidagangad dad ma des scho daung owa es reicht jetz und es is jetz aus so schnö kaust goa ned schaun da friedl und da stoisser bua de schleckan olle fraun de kenan jede fut aum gschmock so schnö kaust goa ned schaun es gschiachd so vü es ged so gach do kumst goa nimma zaum pass auf do is scho wieder wos so schnö kaust goa ned schaun und sdiandl sogd ge dua den bledn schampa weg den graun und glaub ma nua des wiad scho bua so schnö kaust goa ned schaun und wos ois so daherkumt baut si ois vo söba zaum so schnö wia des ois fertig is [und auf amoi is daun fertig scho/wia des ois aso zaumgeh duad/ so schnö wia des daun fertig is] so schnö kaust goa ned schaun
bam
waun di öpfi von dem bam do ned obagfoin waan vielleicht waar i jo daun oiwei nu bei dir wiaso issa so bei dir dass im gegnsotz zu mir di sochn di i maan oiwei aundas gmand san waun di sochn de i maan ned so gwesn san wias san daun is es oba a oke dass im gegnsotz dazua waun du waast wos i maan di öpfi vo dem bam do ned obagfoin san waun du waast wos i maan mit di öpfi vo dem baam di ned obagfoin san di öpfi vo dem bam di ned obafoin dan weis ned obagfoin san tschekelau di öpfi vo dem bam di aus pakistan san di ned obafoin dan waun du waast wos i maan mid di öpfi vo dem bam di ned obafoin dan waun di öpfi von dem bam do ned obafoin dan nochan bin i owa oiwei nu bei dir und es is aso bei mir dass im gegnsotz zu dir di sochn de i maan oiwei aundas gmand waan und wia isn des bei dir und wos dengsda denn du daun gauns im gegnsotz zu mir üba mi und di sochn de i maan de ned so gwesn san wia di öpfi aufm bam di ned obagfoin san di öpfi vo dem bam di ned obagfoin san waun du waast wos i maan mit di öpfi von dem bam di ned obafoin dan oba von dem bam di ned obafoin dan di öpfi von dem bam di ned obagfoin san waun du waast wos i maan mit di öpfi vo dem bam di öpfi vo dem baam di ned obagfoin san waun du waast wos i maan waun du waast wos i maan mit di öpfi von dem bam di ned obafoin dan waun du waast wos i maan mid di öpfi vo dem bam di ned obafoin dan weis scho obagfoin san de sochn de i maan di ned so gwesn san wia di öpfi vo dem bam waun du waast wos i maan waun du waast wos i maan mid di öpfi vo dem bam di ned obafoin dan weis nu hengabliebm san wauns ned hengabliem waan sondern obagfoin waan di öpfi vo dem bam du waast wos i maan waast wos i maan mit di öpfi vo dem bam di ned obagfoin san waun du waast wos i maan mit di öpfi vo dem bam di öpfi vo dem bam di ned obafoin dan waun du waast wos i maan
tour
sex dog hauma gredt üba des wohi ma foan sex dog und daun samma owa gfoan so wia ma woan sex dog woama weg mia kumt vor des woa lenga sex dog und ka zeid ghobd zum umanaundahenga sex dog autobau weisse streifn greana raund sex dog und du waast ned wos is mid deim vaschtaund sex dog und du waast ned wia weit samma danebm sex dog und du frogsd di vo wos de do ois lebm sex dog autos leid essn göd heisa bam sex dog und du dengsta oft jetzt glaub i scho i dram sex dog nia dessöbe und üwaroi wos neichs sex dog und du waast dass du doda nirgends bleibst sex dog sochn seng sochn song sochn mochn sex dog di ma voakuma san ois wia drei wochn sex dog und de sochn de du siagsd san vaschiedn sex dog a poa sochn de kuman immer wieder sex dog und mir kumt vor de san im überschoi vagaunga und du kaust goa nimma song oida wia isn des jiatzt gaunga wo ma gestan wieder woan i waas ned samma do scho gwesn oder woa des gauns wo aundas und mia haum des nur vagessn oda bista sicher dass ma do scho fria amoi woan und kausta voschtön wia de leid song ned scho wieder de zwa noan und da ane schpüd des zeigl und da aundare de ziach und nu ana foad mid owa der redt oiwei so schiach sex dog tausnd leid jedn dog a neiche schtod sex dog jeda schaut wos a söba davo hod sex dog jedn dog auf da bühne jede nocht sex dog jede nocht hauma ned dessöbe gmocht sex dog hauma unsa musi oiwei aundas gschpüd sex dog und de leid san amoi ruhig und amoi wüd sex dog jede nocht hauma gschpüd hauma gsunga sex dog hauma trotscht hauma tschickt hauma drunga sex dog irgendwaun in da nocht in a hotö sex dog so vü sochn und de zeit vaged so schnö sex dog hauma gschpüd hauma gschloffm samma gfoan sex dog hauma brauchd dasma gwusst haum wo ma woan sex dog unterwegs irgendwo san ka zeit sex dog wauns vorbei san daun sans wieder vorbei sex dog hod des dauad und daun woama wieder do sex dog wiads nu dauan und daun hauma wieder o haminimmannidehaumdiammidammi es passian de eagstn sochn ummademma efta head und ana singt und ana schpüd und ana is a weng vakühd und ana schpinnt und ana schaut und ana foad aus seiner haut du bist do obm und schpüsd a haufm leid de schaun da zua und es ged ned um di söwa oda um de musi nur es ged vü mehr um des wos doda rundherum passiad und wos aus dem wos do passiad nocha wirkli nu ois wird sex dog hauma gwoat das wos kumt is ned kuma sex dog san vagaunga des woa scho im summa sex dog so vü gredt und kana waas wos sex dog unterwegs es is a so vü los sex dog unterwegs und olles wird leichter sex dog irgendwo die gespräche werdn seichter
bled
kinan de leid wider bled schaun heid
glei
rehma vü und songma nix frog i nur und hea i nix gredt wird vü und gsogd nu mehr schaust hoid zua und woadst auf mehr dauern duad des gaunz sche laung bist wos heast wird dir glei baung woatn duasd und dzeit vageht bisd wos heast nur daun is zschpät mochst daun ois und sogsd ned vü gscheida is so wia is wü vo heid auf moang vo moang auf heid i woatad scho de gaunze zeid mechtn duasd und kaust ned vü wei des gredad waun ma wü eh ned so vü sinn ergibt wia waun mas mocht wias an beliebt schau di au schau mi au foa ned foat und bleib do bist du foat bleib ned durt und kum wieder leg di nieder is weit gscheida mia dan weida hob di gseng niederleng siach di gern schau di schtern san die sche kau ned geh bleima do is ma recht muast du foat wird ma schlecht sei ned bled und sei gscheid dua a so wias di gfreid samma ruhig bleima do gengan eh neamd ned o samma do dan nix hean heid is nix mid an lärm dama des wos ma so meng wei des mengma jo ned weng es is scho schped schau wias des ged wia a so schted des is ned bled do schau firi do schau zruck wo a herkumt jetzt da druck und schau ned hi und schau ned her und samma voi oda scho leer de augn auf und augn zua es is scho boid jetzt in da frua de augn zua de augn auf und es head a nu ned auf guade nocht und an schen dog dass i di goa a so vü mog und du mi a des is so guad sogd da bua daun in da frua
daun
daunihaun daunihaun und daun kimma wieder schaun und wos haumma denn do dau und wos haumma daun davau waumas daunihaun und schaun wauma schaun wos haumma dau und daun schauma si des au und wos haumma daun davo waumas daunihaun und schaun und wos haumma doda dau und daun schau ma si des au und wos haumma do davo vo dem daunihau und wos haumma doda dau und daun schau ma si des au und wos haumma do davo vo dem daunihau waun is daunihau und schau und wos hob in denn dau waun is daunihau und schau und wos hob in denn dau daun schau i ma des au und wos hob i daun davau vo dem daunihau daunihau daun kima wieder schaun wengan daunihaun wohi gemma denn daun wieder wengan daunihaun und daun kinma wieder schaun wohi gemma denn daun wohi gemma denn daun wieder wengan daunihaun gemma daun wohi gemma denn daun gemma daun wohi gemma denn daun gemma daun wohi gemma denn daun gemma gemma daun gemma daun gemma wieder gemma daun gemma daun gemma daun gemma daun wieder gemma gemma daun wohi gemma denn daun wieder gemma daun gemma daun gemma wieder gemma daun wohi gemma denn daun
komm
komm doch schenk mir noch einmal ein lächeln von dir denn was bleibt mir denn sonst übrig von dir bist du gegangen bist du nicht mehr hier und was bleibt dann von dir warum bleibt die zeit nicht stehn wenn wir 2 uns wiedersehn wenn wir 2 uns wiedersehn bleibt die zeit nicht stehn